الأربعاء، 23 مارس، 2011

النظام بطعم الاخوان

    
           الشعب يريد اسقاط النظام... تحت هذا الشعار قامت الجماهير بالملايين فى 25 يناير ، واحتلت الميادين فى كل المدن المصرية تقريبا ....النظام شكل ومضمون... هل ثورة 25 يناير كانت تريد اسقاط النظام شكلا ومضمونا ام شكلا فقط ؟؟؟

      حين استولى الضباط الاحرار على السلطة فى 52 واسقطت النظام القائم..... اسقطته شكلا ومضمونا ....سقط الملك رأس النظام بعد اربعة ايام تم سقطت  الاحزاب بعد ذلك .. وبعد شهرين صدر قانون الاصلاح الزراعي بتحديد الملكبه الزراعية ...  ومن هنا ابتدأت حركة الضباط الاحرار تسقط مضمون النظام السابق.... الاقطاع وسيطرة راس المال على الحكم .

        نرجع تانى لثورة 25 يناير ...خرج مبارك يوم 11فبيراير بعد 18 يوما والجماهيرما زالت فى  فى الشوارع ...سقط رأس النظام وظهرت شعارات كفاية كده.... تحقق الهدف روحوا بقى وخلى الدنيا تمشى... ولان  الجماهير كانت محتلة الشوارع والميادين  قالوا ما ينفعش نمشى  شفيق راخر يمشى... ومشى...... وبعد ذلك قل تواجد الجماهير فى الشارع ...وطرد من تبقى بعنف وتم القبض على البعض وعذبوا وحوكموا باحكام قاسية ..

                الشعب المصري قد يختلف عن الشعوب المحيطة، .فكما يقول جمال حمدان انه اول شعب عرف الحكومة المركزية والوحدة السياسية فى التاريخ منذ 7 الاف سنة ...وارجع ذلك لطبيعته كشعب زراعي تقوم حياته على النهر وفيضانة ... ولابد من حكومة مركزية لتنظيم  الرى وضبط النهر بتجميع اعداد كبيرة من البشر تحت قيادة مركزية .... ومن هنا اعتبر الحاكم الفرعون الة ...ولا يمكن للانسان الزراعي النهري  اسقاط الاله دون خلق اله جديد يحكمه ويحكم النهر ..

        ثورة 25 يناير قامت تحت شعار الشعب يريد اسقاط النظام القائم على قمع  مباحث امن الدولة ، والفساد الذى استشرى فى كل  اركانه بواسطة حكومة رجال الاعمال ..... ولان الدولة المصرية متقدمة  حضاريا  وليس كنظام القذافي  القبلي ،ويريد النظام لم الدور ..باقل الخسائر استجاب  بسرعة لطلب الثورة وبعد 18 يوما  فقط ... انتم مش عايزين مبارك بلاش مبارك خدوا شفيق..... مش عايزين  تسيبوا الميدان الابعد رحيل شفيق.... نشيل شفيق  المهم النظام او مضمون النظام يبقى .

         بطبيعة الشعب الزراعي اللي حياتة قائمة على فيضان النهر انة يحب حاكمة وكثيرا ما يعبده.. راح مبارك اللي كل الناس اصبحت تكرهه ...وجاء الجيش المحبوب  لحكم البلاد ...والناس وقعت فى غرامة ولا تقبل اي نقد يوجه لاي تصرف يصدر عنه  ....حتى عمليات التعذيب للثوار الغير مبررة.. وجدت  للاسف تفهم وتبرير من بعد الثوار... الحبش خلقة ضيق... نسمع كلامة عشان يمشى.... وكلامة ايه     سيبوا الميدان واقعدوا فى البيت...مهمتكم انتهت وتعظيم سلام للشهداء وروحوا بقى ... وانا حعمل كل حاجة..... الثورة اسمها ثورة لما يبقى الناس فى الشوارع ومش عايزة تمشى الا اذا تحققت مطالبها .... اذا الناس روحت قبل تحقيق المطالب تبقى   الثورة جابت اخرها .... وقد كان ....واللى يقول علية سي السيد يمشى او حيمشى .

       الراسمالية او اقتصاد السوق يتقوم على المنافسة الحرة ، ومن قواعد لعبة المنافسة الحرة ..الفساد ممنوع او مكروه.. نمشى مبارك الفاسد وبطانته .....والاخوان ناس كمل...وعلى خلق و يؤمنون ايضا باقتصاد  السوق.. ولهم مشاريع اقتصادية كبيرة وناجحة ،وايضا امناء ويعرفوا ربنا.... ولانهم  كانوا الضلع الهام و المنظم فى ثورة 25 يناير ولهم قيادة يمكن التفاهم معاها .... يجوا يستلموا ويحكموا... ومش حيغيروا اي  شئ من  مضمون النظام ....فهم موافقون على تصفية القطاع العام.... ووافقوا على تخفيض الضرائب الى 20% اللى يكسب 100 جنيه يدفع عشرين واللى يكسب 100 مليون يدفع 20 مليون   ...وكانوا هم والنظام سمن على عسل فى كل الاجراءات الاقتصادية ..ولم يعارضوا اى قانون اقتصادى صدر ...وما الصراع بينهم الا لان المجموعة  الفاسدة فى النظام  كانت عارفة ان الاخوان  بديلة الوحيد .. وجاهزين  للحلول محلة...  ولهم  شعبية كبيرة .....بلاها مبارك وفساده ويجى عمرو موسى .والاخوان تدعمه .......وكل حى يروح لحالة .....و الثورة كده تبقى حققت اهدافها ....وبعد شوية تبقى نغيركم  الدستور  ...ويبقى مضمون  النظام الاقتصادى هو هو  ولكن بطعم الاخوان ..والدنيا تمشى ..


هناك تعليق واحد:

omran يقول...

ننزل ف الميدان دلوقتى نعمل ايه.. لما الاعلام الحر مهم و خلاص. حاول تكتب ف جرنال أو تتقرا م الناس