الاثنين، 28 يونيو 2010

مارينا




       سته 88 رجعت زوجتى ظهرا صباعها متعور !!!!
- خير
-    كنت مضطربه من اللى رايحه اعمله ومش عارفة صح ولا لأ، واتقفل باب التاكسي على صباعي  ، جانى واحد من هيئه المجتمعات العمرانيه الجديده  ومعاه خرائط ورسومات وصور لمكان في الساحل الشمالى اسمه ماربنا ، المكان شكله حميل جدا وفضل ورايا لحد ما اقنعنى  المهم حجزت وحده . ودفعت العريون .
- مااحنا عندنا العجمى حلوه وقريبه وكل ويك اند اجى الاقى لاعييبه الراكت مستنبني ........ اسكندرانيه من كل حته ،  اللى جاى من القيارى واللى من سيدى بشر واللى من برغش ، يا يكون لهم حظ يلعبوا معايا  او بكملوا كاريه  ونلعب  والباقي يقعد ييتفرج  بين قوسين اصل اتا من احسن اريعه لعبوا راكت الشاطى فى مصر واقفل القوس  نقطه ومن اول اسطر
      المهم هبئه المجتمعات  بعت لنا تعالوا اختاروا الوحده واستلموا  ، كنا نمره 7 في الحجز .  معجبناش حاجه كل الوحدات كانت على اليحيره فى المنطقه التاسعه ، واحنا بنحب البحر ، وينتعزز ،  وانا شخصيا بفكر نرجع فى كلامنا وناخد العريون  . قالوا فيه منطفه جديده ( السابعه ) حتتبنى على البحر، تخلص بعد سنه ولا اتنين   . اخترنا  الوحده على الخريطه ، ونسينا الموضوع  . وبنقضى الصيف فى العجمى ، كل يوم العب راكت من العصر  لحد الشمس ما تنزل  ونطش  فى الميه ونروح .
    فى صيف 92 واجد من معارفنا بعتلنا
- كل الناس استلموا فى مارينا وسكنوا  الا انتم  .
      رحنا واستلمنا ،  وفى الشتاء فرشناها  . وجه الصيف رحنا كالعاده  العجمى  الحته نعرفها والعيال كل اصحابهم هناك  والراكت على البحر خد سمعه حلوة فى اسكندريه كلها ، وكل يوم والتانى يورد ناس جديده بتلعب حلو , والشاطئ اصبح ملعب كبير للراكت ـ كله بيلعب كبار وصغار ستات ورجاله. المصيف رياضه وشمس وهوا .
    وفى  بوم ، كنا فى العيد الكبير ،  قلتا نروح ماربنا تقضى يوم ونبيت ونرجع تانى يوم للعجمي. وهى المرواحه ، من يومها ماتت العجمىوماروحنهاش بعد كده.
           لقينا المكان جميل ،  ومساحه الجناين  كبيره . المنطقه  عباره عن صف على البحر فيلات مزدوجه  وصف وراه ،  احنا فى الصف اللى ورا .  والجيران كلهم ناس زى حالتنا اللى ييتسموا الشريحه العليا من الطبقه الوسطى ، مهنس اشتغل فى الخليج وجوش قرشين ، محاسب  طبيب، طيار ، قاضى  ،لواء سابق  .  وبالمصادفه ما فيش ولا تاجر  . وكان سعر الوحده بتمن سياره .  سعر المتر 800 جنبه تقريبا يعنى الوحده 110متر ب90الف جنيه . واحد معرفه راجع من الكويت بعد الحرب  قلتله احنا خدنا فى حته اسمها مارينا  ، وخدته فرجته ، كانت سنه الزلزال .  يعد ايام قالى انا خذت اتنين واحده باسمى وواحده باسم مراتي  ، في اخر مارينا   ، عند السور ودفعت عربون  . وقبل ما يستلم كان بايع واحده بضعف الثمن ، يعنى طلع يوجدته من غير ما يدفع ولا مليم  ، وفى ظرف سنه مارينا بقت موضه  ، وابتدى يهحم عليها العالم  اللى معاها فلوس ومش عارفين يودوها فين .
     احنا لسه فى سنه 93 اول سنه لنا فى مارينا  الصيف خلص وفتحت المدارس ومارينا فضيت علينا  ، والدكاكين قفلت  ، رحتا العلمين نجيب سلطه وفاكهة  ، لقينا قريه بائسه جدا  ، فبها بقال واحد دابح خروف برقى  ، وعنده سبت طماطم مفعصه وسبت عنب فرط وكام علبه سلمون  وبس . . روح العلمين  الان ما فيش حاجه ماتلاقيهاش   ، عمارات ومحلات وقهاوى ومطاعم ، مدينه كامله . الاسعار فى مارينا تزيد حولى 30 فى المائه ، خاصه فى السلع سريعه التلف كالخضار والفاكهه . وللان عدد كبير من ساكنى مارينا  القدامى يحقق مشترواته من العلمين .
   تقع ماربنا العلمين غرب مدينه الاسكندريه فى الكيلو 94 طريق اسكندريه مطروح تمتد12  كيلوعلى شاطئ البحر  ، وبها ثلاث يحيرات  ، المستديره والمستطيله  ، والكبيره التى تمتد 7 كيلومترات يمتوسط عرض كبلو متر . تكلفت المدينه 48 مليار دولاركما جاء في الموسوعه الحره ( ويكبيديا ) .  محاطه بسور منيع وبها 7 بوابات  عليها حراسه 24 ساعه ولا يسمح بالدخول الا لمالكى الوحدات وزوارهم  . ظاهره الاماكن المغلقه اللى ييحرسها شركات حراسه خاصه والمتشره فى الساحل الشمالى والبحر الاحمر واماكن كثيره فى القاهره ظاهره ملفته مش موجوده فى العالم . الناس اللى قافله على نفسها وعايشه جوا اسوار خايفه من مبن ، ومن ايه ، ولكن هذه قصه اخرى.
       تعد مارينا العلمين من أكبر المنتجعات الصيفية في مصر






يحتوى مركز مارينا العلمين على 8465 وحدة سكنية, ما بين قصور وفيلات وشاليهات وشقق سكنية, وتبلغ مساحتهما 3952 فدان منها حوالي 1260 فدان بحيرات وحوالي 1500 فدان حدائق ومشايات وملاعب وطرق  . ويحتوى المركز على 8 فنادق أشهرها فندق ومنتجع بورتو مارينا وفندق ومنتجع أوشن بلو المقام على أرضيات زجاجية تكشف من تحتها  ، روعه المياة الفيروزية وفندق سى جل، ومارينا بلازا, وفنادق شركة التعمير التي تدار بواسطة شركات الفندقة (ماكسيم ان) وكنكون وكوبا كباناووحدات التايم شير بالأضافة إلى فندق ومنتجع الفينسيا .




كما يضم منتجع بورت مارينا فيلات وشاليهات سياحية وعددا من القصور وفندق بورتو مارينا, الذى يضم 180 متجرا وعدد من المطاعم, وفندق "أوشن بلو", ذلك بالإضافة إلي مرسي لليخوت وبحيرات صناعية ونحو ثلثي مساحه مارينا أراض خضراء وحدائق.
       أيضا يوجد بالمنتجع عدد كبير من المطاعم المصرية والعالمية المتخصصة كمطاعم تشيليز، كارينوز، مطاعم استوديو مصر،وملاعب أطفال ودور للسينما والكافيتيريات والمقاهي إضافة الي مراكز تسوق ومحال تجارية وملاعب رياضية وحمامات سباحة. النظام فى مارينا من الصبح للظهر تلاقى القريه هاديه جدا ما فيش حد صاحى الا احنا . الناس تصحى الظهر كل الناس حتى الاطفال .  يفطروا ويروقوا ويروحوا البحر ويرجعوا المغرب يكلوا ويناموا ،يصحوا اتناشر واحده بالليل يبتدأوا اليوم يخلصوا الصبح يفطروا ويناموا . لوعيل روح بدرى شويه يعنى خمسه الصبح  مثلا  ،امه تتخض عليه يكونش الواد عيان ؟ طبعا العالم دى ما ينفعش تلعب راكت .
      مين بيخدم العالم دى ،كل يوم الصبح تلاقى عند كل بوابه من البوابات السبع  -ايه حكايه كل حاجه سبعه - شباب ورجال ،عمال تراحيل حامعهم مقاول انفار  ، يناموا بره القريه  طبعا ، فى العراء او فى اطلال بدون اسقف على البر التانى ، الشباب منهم معظمهم طلبه من البحيره اوفلاحين بدون عمل .  والنفر ياخد سبعه جنيه فى اليوم المقاول ياخد منهم جنيه  ، والنفر ياخد سته جنيه   ، يأكل بتلاته ويحوش الباقى يروح بيه بعد شهرين الصيف .  الناس دى بترش الجناين وتراعى الزراعه  ، عمال زراعه  . والساعه 4 يتلموا عند البوابات وبأخدوا بطايقهم  المجحوزه من الصيح ويخرجوا من القريه .
      قصر الكلام ممكن  اليوم فى مارينا وانت يالشورت وواخد المدام والاولاد ونازلين بالليل تكلوا فطير تلاقى محل تدخل تتفرج تخرج شارى لانش ب400 الف جنيه و2 جيتس كى (موتوسكل البحر) للاولاد  ب150الف جنيه  ، وتانى يوم تاخدهم وتنزل بيهم الميه . كل شئ متاح طلما معاك فلوس . اذكر مقاله لجلال امين عن مارينا سال مضيفه انت بتدى ابنك الطالب مرتب كام قاله 200 جنيه .............فى اليوم       هى دى مصر يا عبله .
    في العام 95 افتتح السيد الرئيس الطريق الصحراوى  - الساحل الشمالي بطول 134 كيلو متر ضمن انجازات البنيه التحتيه . الطريق يصب مباشره فى مارينا . ووفر علينا 40 كبلو ، كنا ينروح العجمى فى ساعتبن ونص والان نذهب لمارينا  الايعد 75 كيلو فى ساعتين ونصف . شوف ازاى مصر بتتقدم .
       داخل مارينا المقفوله فيه اماكن اخرى  مقفوله لا يسمح لاى فرد زى حالتنا بدخولها الا اذا كان مشترك  والاشتراك مش قليل .مثل لايلاج ويشمك وده خاص بالسيدات ولا فام وتشتكينا ويمكن حتت تانيه معرفهاش .
     ترجع لصيف 93 بعد ما هجرنا العجمى وساكنين على البحر فى مارينا مجرد تعدى الشارع تبقى على رمل الشاطئ الجميل والرمله البيضا الناعمه  ، وتلاقى يحر مافيهوش موجه حمام سباحه الاطفال يتعلموا العوم فيه ، شئ جميل ،بس ما فيش راكت ومافيش العيال المجدع الاسكندرانيه اللى يقعد الواحد  منهم يلم عليك لحد ما تزهق .  فى شهر اغسطس بدأ البحر ياكل الشاطئ ، نحر40 مترمن فى 15 يوم  ، اايه الحكايه ؟ مارينا لما خططوا لها قالوا ان البحيره الكبيره دي تبقى مرسى لليخوت والسفن اللى جايه من اوربا  . وعشان ما ينسدش مدخل البحيره الكبيره على البحر  ، عملوا حواجز امواج عموديه على الشاطئ .  الخبراء قالوا الجواجز العموديه ستؤدى الى نحر الشاطئ لمسافه 3 كيلو يعنى شاطئ المنطقه السابعه والسادسه  حتتاكل  ، يعنى مارينا مش حيبقى فيها شاطئ ممكن استعماله كشاطى الا 400 متر في نادى السيارات . المهم تانى سنه ردموا النحر اللى حصل يكميه مهوله  من الرمال . وفى شهر اغسطس جه البحر واكل كل الرمل اللى حطوه . وفي السنه اللى بعدها واحد عبقرى اقترح انهم يردموا ال40 متر بحجاره كانوا بيرفعوها من البحيره الكبيره عشان يغوطوها  وبدل ما يرموا الديش فى الصحراء ، جطوه مكان النحر . اوفر لهم وحطوا فوق  الدبش كميه مهوله من الرمال مره تانيه . جه شهر اغسطس البحر واخد الرمل وساب الدبش . يقى الشاطئ عباره عن 40 متر دبش حقير جدا  ،  وكل سنه يغطوه بالرمل والبحر يكله  
      يعنى لابقى فيه راكت ولا بحر  طيب بتعمل ايه فى مارينا ...........بنقى غريبه 
             يوم الخميس ان شاء اللة طالع مارينا لافتتاح الموسم الصيفى ، وانقى غريبه .

السبت، 26 يونيو 2010

عبد الرحمن الشرقاوي





              دائما ما اتابع توتره الشباب اللي فى النويترواللى رأبي فيهم انهم  على درجه جبده من الثقافة  .اثناء المتابعة نزلت التويته التاليه  :
                 "تحويل فيلم الارض لمسلسل تليفزيوني مرشح لاخراجه خالد يوسف" ورابط الخبر .
الحقيقة حزنت  ...كل ما بقي فى ذاكره  اللي بصنفهم مثقفين ، فيلم الارض، مافيش راويه الارض ولاعبد الرحمن الشرقاوي  ، فبلم الارض ويوسف شاهين  بس ـ قلت مابدهاش.
      راويه الارض لمن لم يقرأ الرواية - واللي يبقى فاته كثير قوي - تدور فى قريه الشرقاوي فى اوائل الثلاثينات واثناء الازمه الماليه العالميه ،.ومعظم ابطال الرواية عاصروا  ثوره 19. وتحكي  الرواية عن حياه فقراء الفلاحين وصراعهم فيما بينهم  وكيف يتصرفون حين تتعرض اراضيهم للعطش ،وكيف يتلاعب يهم المالك الكبير والعمده وشبخ الجامع, صراع مكتوب باسلوب راق جدا ومؤثر  , والحوار بلغه الفلاحين ، وكانت هذه من اوائل الكتابات التي كان فيها الحوار بلغه الناس ، وقالولنا  ايامها ان دي الواقعية الاشتراكية . ورغم ان اللي كتب سيناريو الفيلم عبد الرحمن الشرقاوي وصديقه الرائع حسن فؤاد.الا ان الفيلم يختلف عن الرواية في اهم ما حفظته ذاكره المتفرج .
-  مشهد النهاية وسحل محمد ابو سويلم وهو يتشبث بارضه والذى اعتبره النقاد من اهم عشرة مشاهد فى السينما المصريه،واللى الناس لما تفتكر الفيلم تفتكر المشهد دة ومحمود المليجى مربوط فى الحصان وبتمسك بعيدان القطن .
- ومشهد كنا رجاله ووقفنا وقفه رجاله الكلام ده اتقال بس مش فى المشهد ده اتقال في مجال اخر .
    بعني لما تتحول الرواية الي مسلسل تلفزيوني مش ممكن حتلاقى المشهدين دول . ورغم جمال الفيلم وروعه الاخراج والتمثيل الا ان الرواية احمل بكتير   .فرغم ضياع الارض من محمد ابو سويلم الا انه لم يستسلم وقام ببناء ماكنه طحين على ما بقي له من الارض .ولم تتزوج وصيفه من عبد الهادي بل من رجل كبير فى السن يعمل سائق حنطور .
   ايضا تم مسرحه الرواية وعرضت ولاقت نجاحا كبيرا وصورت للتلفزيون .كان يقوم بدور عبد الهادي حمدي غيث ،وفى يوم التصوير مرض حمدي......... فلعب الدور مخرج العرض سعد اردش  .بعني كل اللي شاف المسرحية فى التلفزيون لم برها ببطلها الحقيقي .
                 عبد الرحمن الشرقاوي شاعر واديب ومؤلف مسرحي ومفكر اسلامي وصحافي .واللي ثقافته سنيمائبه فقط يحس قد ايه كان الشرقاوي مبدع لما يشوف فيلم الناصر صلاح الدين ، هو اللي كاتب الحوار ومشترك فى كتابه السيناريو .لاحظوا ان الحوار كان بالفصحى .
     رواياته المنشورة الارض والشوارع الخلفية وقلوب خاليه ومسرحياته الشعرية ماساه جميله والفتى مهران ووطني عكا والنسر الاحمر واحمد عرابي وغيرها لا اذكره
    ومن اهم التراجم الاسلامبه  اللي كتبها محمد رسول الحريه ، وائمه الفقه التسعه ، وعلى امام المتقين ، وعمر بن عبد العزيز خامس الخلفاء  ، وابن تيميه الفقيه المعذب  ،وغيرها . وقد عان الشرقاوي كثيرا من رجال الدين الذى حكم بعضهم بخروجه من المله .
ومن اهم اعمال عبد الرحمن الشرقاوي مسرحيه الحسين ثائرا  والحسين شهيدا .
 عاد في هذا الزمان سوى رجال كالمسوخ الشائهات
يمشون في حلل النعيم وتحتها نتن القبور
يتشامخون على العباد كأنهم ملكوا العباد
وهم إذا لا قوا الأمير تضاءلوا مثل العبيد
صاروا على أمر البلاد فأكثروا فيها الفساد
أعلامهم رفعت على قمم الحياة
خرق مرقعة ترفرف بالقذارة في السماء الصافية
راياتهم مزق المحيض البالية
يا أيها العصر الرزي لانت غاشية العصور
قد آل أمر المتقين إلى سلاطين الفجور
قل أي أنواع الرجال جعلتهم في الواجهات ؟
قل أي أعلام رفعت على البروج الشاهقات
..........
سأظل اقتل كلما رغمت أنوف في المذلةا
ويظل يحكمكم يزيدها ... ويفعل ما يريد
وولاته يستعبدونكم وهم شر العبيد
ويظل يلقنكم وإن طال المدى جرح الشهيد
لانكم لم تدركوا ا دم الشهيد
عكف المبدع العبقري كرم مطاوع على اخراج المسرحية حتى وصل الى بوم البروفة الجنرال التي تسبق العرض والتي اجريت بالملابس والديكور فى عرض كامل حضره جمهور ملأ قاعه المسرح القومي ، ولكن للاسف لم تعرض المسرحية لاعتراض الازهر عليها  
ولم تدر ياسيدي من أنا
ولكن أنا .. أنا من أنا .. ؟!
.. ولدت لعشرين عام مضت على مطلع القرن ياسيدي
وقد فرغ العالم المستجير من الحرب .. ثم مضى آمنا :
يوزع أسواقه الباقيات
ويهزأ بالموت والتضحيات .
وبالذكريات .
وقامت شعوب تهز الظلام بمشرق أحلامها الهائلة
وتعلي على خربات الفساد بناء مدينتنا الفاضلة
فلما بدأت أعي ما يقال رأيتهم يملأون الطريق
تهز الفؤوس ركود الحقول وتعلي بما تحتويه العروق
وكانوا يقولون (( يحيا الوطن ))
حفاة يهزون ريح الحياة ويستدفعون شراع الزمن
وساءلت أمي عما هناك (( وماذا دهى القرية الساكنة ))
فقالت : بني هم الإنجليز يثيرون أيامنا الآمنة
وقد أخذوا كل غلاتنا .. وقد نضب الماء في الساقية
ولم يبقى شيء على حاله سوى حسرة مرة باقية
* * * * *
.. ولما كبرت لبست الحذاء ووليت وجهي إلى القاهرة
فأبصرت من تحت ثقل السلاح وجوههم الجهمة الحائرة
وكنت أراهم وهم يركلون فتى في طريقهم .. أو فتاة
وقد ينزعون حجاب أمرأة
فتصرخ (( ويلي من الإنجليز )) .
وقد يعبثون بشيخ عجوز
فيملأني الرعب مما أراه ـ ويرهق سمعي ـ ما لم أراه .
* * * * *
ويأتي الخريف بأشباحه وتمشي التعاسة فوق الحقول
فأمضي لأطلب علم الكتاب وعلم الكتاب لدينا هزيل
وندرس ( جغرافيا ) ذات عام ، ونعرف كل مناخ الدول
وألمح في ( أطلسي ) دولة ومن فوقها حمرة تشتعل
فإن كنت ياسيدي قد أطلت . وقد سقت هذا الحديث الحزين فإني حزين
حزين شقي لبعد ابنتي .
حزين أخاف عليها المصير وأنت أب تعرف الوالدين
ولست أريد لها أن تموت .. فرفقا وأنت تخط المصير
أترمي حماماتنا بالنسور ؟!
معاذ الأبوة يا سيدي .. فأنت أب : وكلانا حنون
ألست تصون حياة ابنتك ؟!
فهل تصنع الموت للآخرين ؟!
...............
لماذا أذن يا إله الرحيم يذيعون حولك هذا الجنون ؟!
ولكن لمن كل هذا العديد ؟
وتلك الحشود؟
ولكن لمن كل هذا الهزيم ؟
لمن هذه النافثات السموم ؟
لمن هذه الناشرات الجحيم ؟
لمن تسرق اليوم أقواتنا لتصنع ماشئت من فاتكات ؟
لمن تحشد اليوم في السابحات ، وفي الغائصات , وفي الطائرات
وفي الناشطات .
لمن هذه الذاريات الحطام .. لمن ؟ .. ولمن هذه النازعات ؟؟!!
لمن كل هذا ؟! لغزو السماء ؟ .. لتصنع معجزة ؟!
بل لنا
لتحطيمنا
لتجويعنا
لتخريبنا
لتقوى سلاسل أصفادنا
ليرتفع السور من سجننا
لنشر السواد على أرضنا
لتمزيق أجساد أطفالنا
لتمزيق أجساد أطفالنا !!؟؟
ولكن كفى ! لن تنل ابنتي
وأقسم أن لن تنل ابنتي !
أتطفىء نظرتها الباسمة ؟
أتقطع أطرافها الناعمة؟
أتجري دماء ابنتي في غد كنافورة ثرة تنسكب ؟
أتنثر أشلاءها اليانعات عليّ حيث تضحك بين اللعب ؟!
أتمزج لحم ابنتي بالتراب !!
كفى أيهذا الإله الذي يلطخ بالوحل طهر السحاب !!
أتنهش هذا الكيان النضر !
كفى أيها الهمجي الرهيب ..!! كفى أيهذا الإله القذر !
إله يبول على التضحيات ويبصق فوق قبور البشر
يضمخ لحيته بالدماء وترقصه أنّه المحتضر
ويسخر من ذكريات النضال ويهزأ بالأمل المزدهر
كفى أيها الهمجي الرهيب ..!
ويالفحة من بقايا ذنوب
ويا خفقة من هوى الغروب
فليست دماء ابنتي كالنبيذ .. وليس نبيذا دماء الشعوب
* * * * *
ستحيا ابنتي في ظلال السلام .. وتنعم باللعب الوافرة
تمارس كل حقوق الحياة حقوق طفولتها الزاهرة
ستحيا انطلاقاتها كلها وأخلاقها الحلوة الشاعرة
وأقسم أن لن تصير ابنتي غدا طفلة لشهيد قضى
أتسمعني أيها الهمجي !! ستحيا ابنتي في ظلالي أنا
كاسعد ما نتعاطى الحياة
أتسمعني أيهذا الإله
ستحيا ابنتي في ظلال السلام
وتصبح أنت مع التابعين هواجس من ذكريات الظلام
فإن تملك الذرة المفنية
فإنا لنمتلك التضحية
ونمتلك الذرة البانية
ونملك طاقاتنا كلها ونملك أيامنا الباقية
وتاريخ أجيالنا الأتية
قصييدة طويلة جميله اثرت فى جيل كامل
فى 1977 كان عبد الرحمن رئسا لمجلس اداره مؤسسه روز اليوسف وكات المكان الوحيد فى مصر الذي جمع اغلب مفكري اليسار وكان توزيعها يفوق بعض الصحف اليوميه وجدث فى يناير انتفاضة الجوع فى مصر ،مظاهرات من الاسكندرية شمالا الى اسوان جنوبا  ، وكان السادات فى اسوان ويقال انه عندما اقتربت المظاهرات من قصره
او محل اقامته ركب الطائرة وذهب الى السعودبه .المهم كل الصحف مشيت فى ركب السادات وسميت الحدث انتفاضه الحرامبه الا روز اليوسف  وعيد الرحمن الشرقاوي سمت الموضوع وحللته انتفاضة شعببه وكانت ايامها مافيش قانون طواري  ولا رقابه على الصحف فتره اللي سنه اقل من 40 سنه مايعرفهاش
ايعد الشرقاوي عن روزا واصبح كاتبا فى الاهرام 
ولد الشرقاوي فى 10 نوفمبر 1920 ومات بوم عيد ميلاده سنه1987
    كان انسانا حميلا