الأربعاء، 3 نوفمبر 2010

امتحان فيزياء

         

على ايامنا كان ثانوي خمس سنين ،ماكانش فيه اعدادي، ابتدائي وثانوي فقط. فى امتحان الفيزياء فى سنة ثانية جاء سؤال اختياري عن التقطير.

جاوبت واسهبت فى الاجابة وقلت فى الاخر  ان التقطير بيتم بجهازالعالم الانجليزى كالمبين calmabine   ،واضفت انة عالم له اختراعات كثيرة !!!


      وقفنا نراجع الاجابة بعد الامتحان  مع مدرس الفصل..
..............
-  مين جاوب سؤال التقطير؟؟
-   انا وكتبت وتوسعت.
-   قلت ايه ؟؟؟
-   شرحت عملية التقطير وتاريخ كالمبين اللي اخترع الجهاز.
-   مين اللي اخترع الجهاز ؟؟؟؟؟؟؟؟
-   كالمبين الانجليزي!!
-   وكمان انجليزي ....جبت الكلام ده منين يا فالح؟؟؟
-    من كتاب الوزارة ... انا ما بذاكرش من  ملخصات..
-    كتاب الوزارة بيقول ان اللي اخترع جهاز التقطير واحد اسمه كالمبين !!! وكمان انجليزي ؟؟؟
-   الكتاب  قال اسمه ....وواضح من الاسم انه انجليزي !!
-    فى كتاب الوزارة ؟؟؟
-   ايوه فى كتاب الوزارة ...وحتى كتبتها  فى كراسة  الاجابة بالانجليزي.


واخرجت الكتاب على الصفحة المطلوبة ووضعت اكثر من خط تحت جملة ويتم التقطير بجهاز كالمبين..


- انت نبيه زيادة يا ابنى!!!!!! الكلام ده معناه جهاز كالمبين.... والرسم تحتية.... يعنى كالمبين بالرسم مش كالمبين الانجليزي .
انت ما اتعلمتش القراءة؟؟


بالذمة مش الاثنين نفس الرسم بنفس الحروف... يبقى انا غلطت  فى حاجة.. انا قلت كالمبين ده ميه الميه خواجة وكتبتها بالانجليزي calmabine


هناك 5 تعليقات:

AHMED SAMIR يقول...

هههههههههههههههههههه
فعلا
مش مشكلتك خالص بصراحة...دي مشكلة المؤلف
بس ذكرى رائعة بصراحة

رضوى رضوان يقول...

هههههههههههههههههههههههه
والله افتكرت ان فعلا في واحد اسمه كدة!!!!

كالمبين
ههههههههههههههههههههه

لأ وبالانجليزي وله اختراعات كتير كمان

ده انت فذ ياابني :D

هاله يقول...

حلوه موت ودمها خفيف جدا فكرتني بسقط سهوا,هيهيهيه

هاله

leeno يقول...

فكرتني بمدرسة لغة عربية لتاني ابتدائي و هي بتتصل تسأل على معنى كلمة طيروز :)

و توهتها في الكتب و المعاجم بحثا عن معنى الكلمة اللي هي

طير وز

:D

Muhammad Al-Ansary (@iOrto) يقول...

ههههههههههههه

هههههههههههه

موقف جامد

*****
ونشكر الأستاذ علـي حَسَـن سلُّوكة

:)))))