الأحد، 30 مايو، 2010

ميمى وحشة.



              مريم -حفيدتي- وهى عندها سنتين كانت مسميا نفسها ميمى .لية يا مريم دلقتى المية على السجادة ؟
الاجابة المباشرة والسريعه......ميمى وجشة.
 لية يا مريم ما شربتيش اللبن   ,  مبمى وحشة.المهم .
احنا لقينا الاجابة دى مختصرة وبليغة للرد  على العتاب لفعل لايمكن الرجوع فية . وايتدأنا نستعمل الجملة .
  لية يا وائل اتأخرت كدة؟
ميمى وحشة .
يا بابا الملح كتر في الاكل .
ميمى وحشة. 
با راجل ما بتسألشي لية .
ميمى وحشة .
و ذهبت مثلا , واتنقلت معانا  للشغل والزملاء ابتدأوا يستعملوها , احياتا يتغيظ  لكنها تنهى العتاب يسرعة.
          ميمى او مريم تمت 18 سنه الشهر الماضي, ولها كتابات اعتقد انها بليغة , بس للاسف مكتوبه بالغه الانجليزية . وليها مدونة فيها بعض كتابتها
عايز اقولها  لية  يا مريم ما بتكتبيش بالعربى ؟
خايف ترد وتقولي ......ميمى وحشه.

هناك 4 تعليقات:

جبهة التهييس الشعبية يقول...

ههههههههههه بسم الله ما شاء الله
هي مريم كبرت كده؟

ده العمر بيجري هههههههههههههه

mourid يقول...

منتهى الجمال يا خليل

Mariam Akmal يقول...

Hello Pappa
Your blog is lovely, and i promise that even though my arabic writing still has a long way to go, that I will read every word you write
love
mimi

هاله يقول...

مش مصدقه نفسي.....تحفه يا خليل